Brennum bækur! - Vísir

Auðvitað á maður ekki að gantast með svona fyrirsögn á tímum þegar bókabrennur og bókabönn eru raunveruleiki í samtímanum í löndum sem eru óþægilega nálægt okkur. En ég stóðst þó ekki mátið vegna fréttar sem kom á Vísi í gær um umræður sem höfðu spunnist á Facebook um bækur í ruslagámi. Samkvæmt fréttinni voru flestir sem tóku þátt í umræðunum á því að bækur ættu aldrei að lenda í ruslinu.