Gróður­húsin í Hvera­gerði: Lifandi hluti sjálfs­myndar bæjarins - Vísir

Gróðurhús hafa frá upphafi verið eitt helsta einkenni byggðar í Hveragerði. Í þeim hafa grænmeti og blóm verið ræktuð með aðstoð jarðhita og síðar einnig rafmagns. Auk þess hafa garðyrkjustöðvar orðið vinsælir ferðamannastaðir og má þar helst nefna Eden og Blómaborg. Á áttunda og níunda áratug 20. aldar voru um 40 garðyrkjustöðvar í Hveragerði sem samtals töldu um 50.000 fermetra að flatarmáli. Síðan þá hefur bæði gróðurhúsum og garðyrkjustöðvum fækkað.