Arctic Race of Norway

Maiddái dán jagáš Arctic Race of Norway nammasaš sihkkelgilvvuin áigu beakkán gilvaleaddji, Thor Hushovd, oassálastit. Doalut lágiduvvojit dán vahkkoloahpa, duorastagas sotnabeaivái. Mátki manná Hámmafeasttas, Davvenjárgii, Áltái ja loahpahuvvo Romssas. Hushovd guhte vuittii diimmá gilvvuid, doaivu dáid doaluid šaddat bistevaččain. Finnmárkkuopmodat (FeFO) hástala buohkaid ráhkadit buori miellalági ja riemu láhtuid guoras, ja áigu addit ruhtabálkkašumi buoremus riemuide.