Myndigheitene held fast på millionbota mot Telenor

Nasjonal kommunikasjonsmyndigheit (Nkom) varsla i februar eit gebyr på 50 millionar kroner til Telenor. Årsaka er at nødnummertenesta var nede fleire gongar i fjor, og at Nkom meiner at Telenor ikkje leverte nødmeldingstenesta slik dei er lovpålagde. – Det er fyrste gong at Nkom vedtar eit så høgt straffegebyr, men vi meiner at lovbrota vi har dokumentert er av så alvorleg karakter at dei må få konsekvensar for selskapet, seier Svein Scheie, sikkerheitsdirektør i Nkom.