Mann pågripen etter knivstikking på Voss

Ein mann i 30-åra er pågripen etter at ein annan mann fredag kveld blei funnen med knivskadar i magen i Voss sentrum. – Ein mann er pågripen. Det er ein mann i 30-åra. Han står fram som uskadd, seier operasjonsleiar i Vest politidistrikt Tatjana Knappen til NTB. Politiet opplyser at dei klokka 23.10 fredag fekk melding om ein knivstukken person i Voss sentrum. Det var tilfeldig forbipasserande som kom over mannen.