Avlyser utsleppsfri anbodskonkurranse

Vestland fylkesting vedtek samrøystes å avlyse anbodskonkurransen for hurtigbåtsambandet mellom Bergen og Sogn og Fjordane. Dette fordi det har vore uklare signal frå regjeringa om staten vil dekkje dei årlege meirkostnadene på om lag 100 millionar kroner ved å gå over til utsleppsfrie løysingar. Fylkestinget føreset at anbodskonkurransen blir kunngjort på nytt med ny tilbodsfrist 15. juni neste år. Innan den tid vil regjeringa truleg ha klargjort om staten vil dekkje meirkostnadene.