Eai áigon luoitit čoahkkimii

Ii oro oppa jáhkkimisge dat mii geavai Saljus duorastateahkeda, nu lohká Norgga Sámiid Riikkasearvvi jođiheaddji Runar Myrnes Balto preassadieđáhusas. Čoahkkimis, maid Selbu Utmarksråd ja Roltdalen Almenningsstyre lágidedje eanaeaiggádiidda ja álbmotválljen olbmuide, lei guovddáš fáddán bargat sámi vuoigatvuođaid vuostá, ja dán čoahkkimii eai áigon álggos luoitit sámi eanaeaiggáda.