Mannsverk til engelsk fotball

Cardiff City stadfestar no at dei hentar årdølen Sivert Mannsverk på lån ut resten av sesongen. 22-åringen har vore forfølgd av skader etter at han kom til den nederlandske storklubben Ajax. Den walisiske klubben, som spelar på nest øvste nivå i engelsk fotball, kjempar for å unngå nedrykk. Mannsverk kan få sin debut mot serieleiar Leeds på laurdag. – Han er svolten og ynskjer å prestere, han er ein kvalitetsspelar på midtbana og er ein som verkeleg vil styrke stallen, seier manager Omer Riza.