Jaskes guovžageassi leamaš

Dássážii dán jagis eai leat sávzzat goddun, ja leat oalle unnán áican guovžžaid go buohtastahttit diimmá ektui. Diibmá dán muttus áigge godde guovžžat ollu sávzzaid, nu lohká Stáhta luonddubearráigeahčču Magne Asheim Sør-Varanger áviisii. Guovžžat dáidet gávdnat doarvái biebmu luonddus ja nu eai leat ohcalan sávzzaide. Stáhta luonddubearráigeahčču Magne Asheim lohká ahte lea leamaš jaskes guovžageassi dássážii.